Men no er det altså tid for å synse litt rundt Liverpool igjen. Og la det vere sagt med ein gong - her er det ikkje pessismisme, atterhald eller forsiktig nøkternheit som rår! For i desse dagar er det lutter glede og pur framtidstru som pregar dei aller fleste fans av Liverpool! Ikkje ein gong 1-1 mot Wigan sist helg kan øydeleggje det! Optimismen stikk nemleg langt djupare - til stor forskjell frå blaffa av tru eg har hatt dei siste åra...

King Kenny. Så enkelt kan forandringa frå depresjon til superoptimisme oppsummerast! Veni, vidi, vici sa Julius Cæsar i hine hårde - eg kom, såg og vann, er vel omtrent den norske versjonen. Og slik trur eg vi kan oppsummere King Kenny også om 2-3 års tid. For den gløden, entusiasmen og trua han har sprøyta inn i spelarar og fans i løpet av rekordkort tid er på grensa til det uforståelege.

Men å forstå transformasjonen er for så vidt ikkje så viktig, det får psykologar forske på. Eg konstaterer berre at eitt eller anna har King Kenny gjort, som har fått enorm innverknad på ALT rundt LFC. Det er trass alt dei same spelarane vi snakkar om som frustrerte oss til himmels før nyttår - med unntak av judasen som gjekk til Spartak London. Nykomarane har ikkje fått utretta all verda endå, ergo er det mykje godt den same gråsteinen - som under Hogdson tok oss til dei djupaste bølgedalar - som no spelar offensiv «pass and move» og med vilje til og tru på å vinne kampane. Liverpool slik det skal vere, med andre ord!

Det er heilt utruleg å registrere - og sjølvsagt gledeleg. Javisst, eg ser jo at vi ikkje har eit topplag per i dag. Prestasjonane svingar veldig, frå kamp til kamp og undervegs i kampane. Truleg er vi der ikkje neste sesong heller. Men snakkar vi om 2-3 år fram i tid, så er eg heilt sikker på at King Kenny har tatt oss opp i toppen - der vi jamnt kan vere med og kjempe om dei gjevaste titlane.

Men King Kenny kan ikkje gå på vatnet han heller. For å forsvare vår rettmessige og hevdvunne posisjon som klubb nr. 1 i England (og verda for øvrig) trengst det ei fornying av stallen. I så måte er det fantastisk å sjå suksessen juniorane har - der fleire har kjempepotensiale til å bli førstelagsspelarar! Og ikkje minst har vi ein manager som brukar dei på førstelaget! Gledeleg er det også å sjå at vi no har eigarar med pengar, vilje og handlekraft til å få troppen meir konkurransedyktig. Dei færraste raude vart vel glade over at Torres sveik oss - men styrken Fenway Sports Group viste då sviket var eit faktum lover godt også på overgangsmarknaden i åra som kjem. Ergo King Kenny - det gjer ingenting at du (truleg) ikkje kan gå på vatnet - det er nok at du sprer pur magi på spelarar og fans!

Avslutningsvis: Gi umiddelbart kongen kontrakt for 5 år - med opsjon på 5 til!

YNWA!

Ingenting skulle glede meg meir enn om Liverpool no vil løfte seg att etter den tristaste perioda i klubben sidan eg vart fan på tampen av 70-talet. Det har vore ei hard og opprivande påkjenning å sjå Anfield-klubben visne vekk i vanstyre, kaos og sporsleg forfall dei siste åra. Jauda, eg veit at vi ikkje har vunne serien sidan 90. Men likevel, fram til Gillet og Hicks tok over, var middelmådige resultat ikkje ledsaga av alt det utanomsportslege vanviddet som vi har vore belemra med etter amerikanerane sitt famøse inntog på Merseyside. Det har før alltid vore ei verdigheit i klubben gjennom magre år - the Liverpool Way.

Roy Hogdson kom til ein klubb i forfall og hadde eit vanskeleg utgangspunkt. Mange fans var skeptiske, men likevel villege til å gi han ein sjanse. Den sjansen har han ikkje tatt vare på, til det har han feila på fleire sentrale punkt utover den reine sporslege fiaskoen. Innkjøpa hans har ikkje overbevist, med unntak av Meireles. Ein spelestil har ikkje satt seg og spelarane verkar ikkje komfortable med systemet (eller mangelen på system). Han kom med rare utsagn, og gjekk blant anna ikkje i krigen mot Red Nose då sistnemnde sutra på Torres. Til slutt valde han å kritisere fansen - ikkje det smartaste du gjer når du ikkje leverer på bana...

Eg var ein av dei som no hadde fått nok av Roy H. og hans merkelege disposisjonar, uforståelege utspel og sjølvsagt historisk svake prestasjonar. Og eg var ein av dei som jubla høgt då King Kenny vart kalt inn til ny teneste for klubben i hans hjarte. Men det er likevel ikkje gitt at suksessen kjem ved eit skifte av manager aleine. Problema i klubben er nok meir djuptpløyande enn som så, noko Kenny må forholde seg til. Spelarstallen er openbart ikkje god og brei nok. Min påstand er at vi i år ikkje har ein første-11'ar som kan hevde seg mot dei beste over ein lang sesong, sjølv med alle disponible og i form. Og med skader på ein eller fleire nøkkelspelarar er vi redusert til eit middelmådig lag. I tillegg slit vi økonomisk, der blant anna eit utrangert Anfield ikkje genererer nok inntekter som igjen gjer at vi ikkje kjempar om å få dei beste spelarane. I sum eit utgangspunkt som ikkje gir grobotn for overdreven optimisme. Heller ikkje King Kenny kan gjere gull av gråstein...

Men nokre ting veit vi no blir re-etablert på Anfield med Kongen ved roret; ro i rekkene, respekt for klubben sine tradisjonar og eit tett forhold til fansen. Viktige variablar for å lukkast! Dette kan gi kjapp suksess, målt etter beskjedne krav som topp 6 og kanskje finale i ein cup. Det store spørsmålet for meg er - kor lang horisont har klubben med King Kenny? Er det kun kortsiktig, der 6. plass er greit nok, for så å finne ein erstattar til sommaren? Eller vil vi kanskje sjå Kenny som vår langsiktige manager? I så fall bør det kome pengar til spelarkjøp allereie no i januar, med kvalik til Champions League som det fremste målet! Har får vi berre avvente og sjå kva John Henry & co kjem opp med!

Uansett om der er ubesvarte spørsmål - i dag er ein gledens dag! Skuta treng styring, vi har fått den perfekte kaptein! Velkomen som rett manager til rett tid, King Kenny! Og måtte du overvinne Red Nose sine disiplar på Old Trafford, inkl Howard Webb, på søndag - betre start gjeng det ikkje an å få!

YNWA!
RonnyB

Dagens mann på Ewood - The Travelling Kop! Ufatteleg at dei syng YNWA på tampen, håper taparane på bana krumma nakken i skam då dei tusla i garderoba. No håpar ej berre å vakne til meldinga om at Roy H si tid i klubben er forbi.

Og for den som måtte lure; ja, humøret er slett! Like elendig som Liverpool - heilt på botnen, null lys i tunnelen, evig pinsle..., håper King Kenny kan kome med eit glimt av lys og håp! God natt og god bedring!

YNWA
RonnyB

1. Fred på Anfield!

2. Hogdson får avløysing i managerstolen.

3. På mirakuløst vis skal vi greie 4.-plassen + vinne FA-cupen.

Gjeng alle 3 inn er det for eit kinderegg å rekne! Godt nytt år til alle mine raude vener + dei andre!

RonnyB
YNWA

Nei, vik frå meg satan - som det står i bibelen! Slike tankar vil og skal vi ikkje ha! Mi draumejul er ikkje kvit - den er raud! Og det trur eg det blir i år - eller i alle fall håpar såpass sterkt at det også påverkar trua... For nei, det er ingenting ved laget vårt for tida som gjer at optimismen skal vere altfor stor. Men så er det det med jula då - det er ei tid for glede, for overraskingar, for høgtid, for sang. You'll never walk alone skal runge - høgt over White Christmas, Frosty the Snowman og Deilig er jorden! Det er viktig å vere sterk i trua, den kan visst nok flytte fjell!

Med desse trass alt lyse og nesten bibelske tonar frå ein på-nippet-til-å-bli-deprimert Liverpool-fan - ha ei strålande raud jul og eitt knallraudt nytt år rundt om!

YNWA!

RonnyB

Då er det kun 3 luker igjen i årets artigaste julekalender...!

Luke 20 i kalenderen - danske Jacobsen brygga på belgisk tradisjon! Birgith: litt daudt, ein ok 3'ar. Ronny: til ale å vere - veldig avdempa smak, men behageleg og godt. Terningkast 4.

Fredag 17. desember fann vi Aass Fatøl i julekalenderen vår! Mykje godt frå Drammen, ja! Birgith: Absolutt drekkandes, får ein 5'ar frå meg! (...men det gjekk så fort ned, at skribenten har sine tvil om det var fysisk muleg å registrere smak...). Ronny: Syrleg, friskt, heilt grei tørstedrikk dette. Terningkast 4.

Laurdag var det tsjekkisk bak luke 18 i øl-julekalenderen, Pilsner Urquell - visstnok den originale pilsa! Birgith: mektig, nesten smak av røyk, terningkast 3.  Ronny: tsjekkertan kan øl, dette hadde ein særprega, skarp smak, terningkast 4.

Vi avsluttar vår tsjekkiske helg med Bernard Lager, luke 19, eit øl du finn bl.a. på Rema 1000. Birgith: det luktar pils, pils er pils, denne får ein 4'ar. Ronny: avdempa, fyldig smak, god bitterheit, men enig med kona, pils er pils..., dog er denne ekstra god, terningkast 5.

Testpanelet med verdas kulaste julekalender:

Vi heng litt etter med øl-julekalenderen pga reise og mykje snø! Men vi jobbar oss inn att! Bak luke nr. 13 (måndag) venta ei Ringnes Juleøl kl. D (butikkøl), og det var rørande semje i heimen om denne; litt kort/tynn smak, rekk kun til tungespissen. Terningkast Birgith: 2, Ronny: 3.

Bak øl-luka tysdag 14. desember venta ei sexy, dansk lita sak, Tuborg Juleøl kl D (butikkøl)! Birgith: smaken fòr nesten opp i nasen, men heilt grei 4'ar! Ronny: langt friskare enn Ringnesen frå i går, med lengre ettersmak. Absolutt drikkande, terningkast 4. Vi liger det sgu!

Onsdag 15. bydde på ei eksotisk oppleving i øl-julekalenderen, Birra Moretti, pils frå Italia (må ikkje forvekslast med Birra Jomfrutti, som er Berlusconis favoritt...). Birgith: veldig lys farge, men god, terningkast 5. Ronny: Skeptisk!! Men slett ikkje verst på smak, terningkast 4.

Øl-julekalenderen skjuler stadig nye skattar, bak luke 16 fann vi Franziskaner hefe Weissbier, kveiteøl frå Bayern! Birgith: hesleg lukt! Men eg skal smake..., nei, ikkje noko for meg, terningkast 1. Ronny: Veldig svak for dette, himmelsk lukt, syrleg, deileg smak, ganske enkelt nydeleg godt! Terningkast 6. Litt usemje i heimen i kveld, ja...

Følg med i morgon - garantert meir godt bak kalenderluka!!

Øl-julekalender på Hessa, 6. desember: Warsteiner, tysk pilsener. Birgith: Denne var god! Kan måle seg med Frydenlunds Fat - terningkast 5+ (jada, veit at det ikkje går med + på terningen..., men kva gjer ein ikkje for sjefen i huset...?). Ronny: tyskerten kan øl - intet unntak her! Fin bitterheit, lett-drukkje, terningkast 5. Morgen kommen wir wieder zurück mit unserem Kalender!!

Øl som skal testast i kalenderen utover i desember ventar fint på tur...:

Julekalender dag 1: Frydenlunds Fatøl. Rund bouquet, duft av røtter, sex og julemann, snev av homoerotisk... Haha, som om dette er vinkalender!! Ingenting som overraskar her, eit sikkert og godt drikkandes valg. Terningkast: Birgith 6, Ronny 4. God førjul!

Øl-julekalender dag 2, Grans Julebrygg - and the verdict of the Hessa jury is (= terningkast på engelsk): Birgith 2 (litt for bitter), Ronny 4 (fin smak, kanskje litt tam, heilt ok øl). PS; dag 3 kjem først laurdag pga null nett på hytta...

Juleølkalender - oppsamlingsheat etter rotete helg! Dag 3: Grans juleøl (kl 2). Birgith: den var grei, terningkast 4.Ronny: litt dau og preglaus, terning 3. Om litt kjem også laurdagens smakstest - vi kan love eit spennande alternativ!

Juleølkalender, dag 4 (laurdag): Berentsens pils, basert på økologisk humle og malta bygg. Birgith sin dom: Dét fine skummet, men heslig, heilt daudt. Terningkast 1. Ronny: skumma flott - men smaken skuffa, grei humle men ellers veldig daud. Terningkast 2. Huff..., då får vi håpe dagens test gir ein opptur! Straks tilbake!

Ei lita presisering: Vi slit litt med namnet på "juleølkalenderen" - det er ikkje kun juleøl som testast av ekspertpanelet på Hessa! Det er alt som går under kategorien "øl". Dog må det seiast at vi ikkje er så veldig dristige i utvalget..., temmeleg mainstream gjeng! Ok, då er det klart for å teste søndagens godsak!

Øl-julekalender dag 5 (også kalt 5. desember): Ringnes fatøl. Birgith: når ikkje opp mot Frydenlunds fat, typisk utepils, terningkast 4. Ronny: godt øl, balansert smak (i den grad ein kan kalle øl balansert??), forførande. Terningkast 5.  Yummi!

Øl-julekalender på Hessa, 6. desember: Warsteiner, tysk pilsener. Birgith: Denne var god! Kan måle seg med Frydenlunds Fat - terningkast 5+ (jada, veit at det ikkje går med + på terningen..., men kva gjer ein ikkje for sjefen i huset...?). Ronny: tyskerten kan øl - intet unntak her! Fin bitterheit, lett-drukkje, terningkast 5. Morgen kommen wir wieder zurück mit unserem Kalender!!

Øl nr. 7 i kalenderen er Dahls Juleøl kl. D. Ronny: Deileg friskt til butikkjuleøl å vere, passe bitter, terningkast 5. Birgith: litt besk, sikkert god til mat, men kanskje ikkje rett etter riskrem..., terningkast 4.

Dag 8 av den store øl-julekalenderen på Hessa! Guinness!! Enorme forventningar hjå far, litt meir avventande hjå mor... Birgith; nei, denne får du drikke opp..., terningkast 1. Ronny: kongen av øl, rett og slett godt, fole godt! Smak, minner, lyst - her får du alt! Terningkast 6.

Lenge sidan sist oppdatering på øl-julekalenderen - hyttetur utan internett denne helga! Men kalenderen hadde vi sjølvsagt med oss...

Vi tar til med torsdag 9. desembers testobjekt, Ringnes pilsener. Birgith: Heilt grei pils, strågul farge (drar til!), terningskast 5. Ronny: Tja, aldri vore heilt begeistra, ok men ikkje meir. Dog veldig god til pizzaen..., terningkast 4.

Rett til fredagens (10. desember) øl-kalenderluke, der eit lokalt merke låg gøymt - Slogen Brown Ale, frå Liabygda. Birgith: Litt smaklaust og tynt, ale ikkje heilt mi greie (og sendte glaset vidare til nestemann...), terningkast 2. Ronny: Tenk at dei kan lage noko så godt i Liabygda! A taste of England, knallgodt! Terningkast 5.

Laurdag 11. desember drog vi til med polets sterkaste øl, Ringnes Julebokk, 9,9%. Birgith: Luktar godt, først litt smaklaust, og så - pang - kjem smaken! Veldig godt, terningkast 5! Ronny: Namnam, smaksbombe, rett og slett nydeleg øl. Og ja, det passar faktisk til søtsaker! Sjå Roma og dø - men hugs å smake Julebokk først..., terningkast 6!

Då er vi framme ved dagens luke, 12. desember, der Aass Juleøl kl. F (pol-øl) venta oss. Birgith: Godt! Fin Farge! Terningkast 5. Ronny: Aass sviktar aldri når det gjeld juleøl, edel vare også i år! Velsmakande, kan godt nytast utan mat også dette. Terningkast 5.

Vi heng litt etter med øl-julekalenderen pga reise og mykje snø! Men vi jobbar oss inn att! Bak luke nr. 13 (måndag) venta ei Ringnes Juleøl kl. D (butikkøl), og det var rørande semje i heimen om denne; litt kort/tynn smak, rekk kun til tungespissen. Terningkast Birgith: 2, Ronny: 3.

Bak øl-luka tysdag 14. desember venta ei sexy, dansk lita sak, Tuborg Juleøl kl D (butikkøl)! Birgith: smaken fòr nesten opp i nasen, men heilt grei 4'ar! Ronny: langt friskare enn Ringnesen frå i går, med lengre ettersmak. Absolutt drikkande, terningkast 4. Vi liger det sgu!

Onsdag 15. bydde på ei eksotisk oppleving i øl-julekalenderen, Birra Moretti, pils frå Italia (må ikkje forvekslast med Birra Jomfrutti, som er Berlusconis favoritt...). Birgith: veldig lys farge, men god, terningkast 5. Ronny: Skeptisk!! Men slett ikkje verst på smak, terningkast 4.

Øl-julekalenderen skjuler stadig nye skattar, bak luke 16 fann vi Franziskaner hefe Weissbier, kveiteøl frå Bayern! Birgith: hesleg lukt! Men eg skal smake..., nei, ikkje noko for meg, terningkast 1. Ronny: Veldig svak for dette, himmelsk lukt, syrleg, deileg smak, ganske enkelt nydeleg godt! Terningkast 6. Litt usemje i heimen i kveld, ja...

Fredag 17. desember fann vi Aass Fatøl i julekalenderen vår! Mykje godt frå Drammen, ja! Birgith: Absolutt drekkandes, får ein 5'ar frå meg! (...men det gjekk så fort ned, at skribenten har sine tvil om det var fysisk muleg å registrere smak...). Ronny: Syrleg, friskt, heilt grei tørstedrikk dette. Terningkast 4.

Laurdag var det tsjekkisk bak luke 18 i øl-julekalenderen, Pilsner Urquell - visstnok den originale pilsa! Birgith: mektig, nesten smak av røyk, terningkast 3.  Ronny: tsjekkertan kan øl, dette hadde ein særprega, skarp smak, terningkast 4.

Vi avsluttar vår tsjekkiske helg med Bernard Lager, luke 19, eit øl du finn bl.a. på Rema 1000. Birgith: det luktar pils, pils er pils, denne får ein 4'ar. Ronny: avdempa, fyldig smak, god bitterheit, men enig med kona, pils er pils..., dog er denne ekstra god, terningkast 5.

Luke 20 i kalenderen - danske Jacobsen brygga på belgisk tradisjon! Birgith: litt daudt, ein ok 3'ar. Ronny: til ale å vere - veldig avdempa smak, men behageleg og godt. Terningkast 4.

Øl-julekalenderen nærmar seg slutten, bak luke 21 venta i dag ei duggfrisk Heineken. Birgith: lys farge, blir fort daud, men grei smak, terningkast 4. Ronny: har alltid hatt sansen for Heineken, friskt og godt, hup Holland, terningkast 5!

Luke 22 - testa på hytta, Kilkenny, Irish - nok ei ale, med andre ord. Birgith: Surt! Kjenner røyk, ikkje kolsyre, ikkje heilt mi greie, terningkast 3. Ronny: småbeskt og litt flatt, langt betre frå fat, dog terningkast 4.

Lisjejulaftan låg ei Grolsch bak luke 23, ei pils frå Holland. Birgith: som mykje pils, smakar likt, heilt ok, terningkast 3. Ronny: tynne saker, grei tørstedrikk, typisk tynn pils, terningkast 3.

Sjølve finalen er komen - julaftan, 24. desember! Og i kalenderen vår venta ei retteleg godsak, Borg juleøl kl. F. Birgith: smakar ingenting, ein av dei der smaken stoppar opp, terningkast 2. Ronny: namnam, godt, friskare enn F-øl normalt er, kan drikkast aleine (*), terningkast 5.
* Aleine må her presiserast som "utan mat". Altså ikkje aleine som i sit-på-Hessa-og-drikka-aleine...

TOPP 4 i kalenderen:
1. Terningkast 5,5 (jauda, det gjeng an!): RINGNES JULEBOKK!!
2. Terningkast 5: Frydenlund Fatøl, Warsteiner pils og Aass Juleøl kl. F

Verst av det vi har testa: Berentsens økologiske øl..., terningkast 1,5...

Takk til dei som har fulgt oss - dette har vore artig, oppmodar alle om å prøve til neste advent! Øl - connecting people!

Øl som skal testast i kalenderen utover i desember ventar fint på tur...:

Testpanelet på skitur - Birgith og Ronny:

Hadde vi greidd 3 poeng på White Hart Lane i dag, som ikkje var heilt utanfor rekkevidde, ville vi ha vore med der oppe. Sjølv eitt poeng hadde vore bra. Men i fasiten står det 0 poeng - etter nok eit håplaust tap. Eg kan hekte tapet på minst to knaggar:

* Vi er ikkje gode nok. Tidvis bra spel og god innsats, ørten gongar aleine med keeper og nok sjansar til å avgjere kampen. Men vi greier det ikkje. Og på tampen forærer vi Spurs sigeren - på elendig forsvarsspel. Jauda, Tottenham var gode - enorm fart i laget og stor vilje. Eg skal ikkje underslå det...

* Vi har ikkje flaksen som skal til. Jepp, flaks har ein god del å seie på dette nivået også. For vår del vil det seg ikkje, ballen trillar på utsida av stonga der motstandarane har stong inn. Dei får straffe - vi får det ikkje. Sjølv om eg har mest lyst til å kalle dommaren inkompetent i dag, så er det små marginar som avgjer om det blir straffe eller ei. Men surt er det!!

MEN uflaks kan ein ha inn i mellom - ikkje alltid. Når det blir regelen snarare enn unntaket, som for Liverpool sin del, så handlar det til sist om manglande dyktigheit. Ergo trur eg vi må innsjå at sesongen vil minne meir om ein ferie på sydlege breiddegrader - i alle fall i serien. Så får vi håpe på eit cupeventyr som kan gi oss litt glede i kvardagen. Og kva kan vel vere betre enn å sende Salford Utd på haudet ut av FA-cupen over nyttår?

YNWA!
RonnyB

Enaf i levehte i ansat!!! YNWA!

Første omgang var enorm av Pool! Og Torres aller mest enorm! Du snakkar om å stige frå asken til ilden, i dag gjorde han det. Totalt uinspirert og ute av form heilt sidan VM - og så slår han så monumentalt tilbake som i dag. His armband proved he was a red, Torres, Torres... Mektig imponert. Mektig!

Andre omgang viste Chelski kven som er det beste laget i England. Ja, dei er det! Men vi kjempa heroisk og lot ikkje Spartak London få altfor mange sjansar. Og dei få som kom tok Pepe seg mirakuløst av! Imponert av han også!

Heilt til slutt - Dirk har vore ute ei god stund. I dag kjem han inn, og propellen er på full fettar frå start av. Ein vanvittig jobb av nederlenderan! Vanvittig!!

Og absolutt heilt til slutt - vi skulle hatt ei straffe og 3-0...

YNWA!

Eg er ein audmjuk mann. I alle fall når vi ikkje snakkar fotball og Liverpool FC. Men eg ser at det kanskje er vel cocky å synge ovanståande vers om søndagens motstandar på Anfield. Dei har trass alt vunne litt dei siste åra, og byrjar å skape si eiga histore. Men fakta består - dei har laaangt igjen å gå!

Men laaangt igjen har Liverpool FC også, det skal innrømast! "Det er laaangt å gå, det er lengselen som driver deg..." syng Jahn Teigen. Kanskje kan the Kop synge den heretter...? Teigen sin tekst treff i alle fall ein streng i denne kroppen! Som alle raude har eg ein enorm lengsel etter å vinne ligatittelen! 20 dryge år er altfor lenge utan den gjevaste pokalen for tidenes mest suksessrike klubb i England. I bibelen snakkar ein om 7 magre år etterfulgt av 7 feite. Kan vi håpe på 20 feite for vår del no?

Tja, eg trur vel innerst inne at vi må tole eit år eller to til med magre resultat for the Reds. Så får vi sjå om John Henry & co greier å skape ein vinnarklubb att, tufta på sunn drift og respekt for verdiane LFC står for. Men fram til då tar vi dei skalpane vi kan få! Og på søndag ventar Spartak London, truleg Englands beste lag også denne sesongen. Men på Anfield håper eg villdyret StevieG har vakna for godt - og at han drar med seg El Niño ut av Tornerosesvevnen sin. Med begge to i godt gamalt slag kan vi slå kven som helst - også historielause fotballspelarar frå "brua".

"Let it be, let it be, let it be, Stevie G,
The local lad turned hero, Stevie G"

RonnyB
YNWA!

Men eg må få ut litt galle også. Eg hatar ikkje italienerar, det blir for drygt å påstå, sjølv om det ikkje er langt unna sanninga. Men eg kan med handa på hjartet seie at eg hatar italienske fotballspelarar. Noko meir falskt, uærleg, pinglete, sytete, pillrøte og jækla irriterande skal du leite lenge etter. Min påstand er at det ikkje finst noko verre! Er det nokon der ute som kan motbevise det, så værsågod, prøv å overtyde meg... Heldigvis vart pakket sendt heim att til mødrene sine med halen mellom beina og siste rest av ære tapt!

Godt å få tømt seg - for glede og irritasjon! Når eg no kryp til køys, så er det definitivt mannfolk eg skal drøyme om! Og nei, det blir ikkje om ein italienar...!!

YNWA!
RonnyB

Heldigvis klarte våre tapre utvalgte å kapre eit poeng i pizzabyen, rett nok etter å ha hatt marginane med seg. Det var på sin plass no, vi kan ikkje akkurat skryte av å ha hatt flaks i år. "Uflaks kombinert med elendig spel gir lite poeng i jungelen", brukte Fantomet å seie sine gamle jungelord. Skal tru om han veit kor rett han hadde?

Uansett, no kryp eg til køys litt mindre deppa. Framleis er eg sterk i trua på at vi gjeng betre tider i møte. Alt dei nye eigarane har sagt og gjort tyder på at vi får stabilitet rundt klubben igjen. Dog trur eg vel det blir litt meir bråk før roa senkar seg for godt over Anfield - Roy H. sit vel meir enn laust i managerstolen... Får han ikkje ei lang rekke med gode resultat og ditto godt spel no, får han fyken kjapt. Kanskje får han det uansett. Time will show (time vill sjåv).

YNWA!
RonnyB