* Torill's blogg *

Klar for sommaren!

Wed, 06 May 2009 22:18:23 GMT

Då har eg endelig tatt symaskinen den lange veien frå kjellaren, og fått sydd nokre uteputer av stoffet eg kjøpte på Stoff og Stil for fleire veker sidan. Har ikkje tal på kor mange puter eg i tillegg har kjøpt så langt i vår, så derfor får det holda med desse tre. Skal sy eit par dukar og litt småtteri og, så då skulle eg vera godt rusta til utesesongen.
(Har eg plass til fleire putekassar på terrassen mon tru?)

Ein standhaftig stemorsblom

Wed, 06 May 2009 22:02:31 GMT

Etter at hagepottene blei tømte for blomar i fjor haust, var det ein liten spire som ikkje ville gje seg heilt endå. Han låg flat og puslete nokre gonger med mykje snø, vind og regn, men kjempa seg opp igjen kvar gong. Rundt juletider såg han sånn ut:

I april såg han slik ut.
Ei nydelig fargeblanding med stemorsblomar blei det av den vesle slitaren.
Har han klart dette sjølv, så skal det ikkje stå på vatninga mi i sommar.
Denne set eg pris på!

Gøy med keramikk!

Wed, 10 Dec 2008 23:22:25 GMT

I vinter har eg gått på kurs i keramikk. Kurset gjekk bare over ei helg + eit par timar til maling, så det blei ikkje tid til å læra å dreia. Det håpar eg å få tatt eit kurs i seinare. Ellers er det mykje å læra om ulike typar glasurar og maleteknikkar, så det hadde vore kjekt med eit kurs i det og. Det var iallefall knallgøy, og eg har store planar om å prøva meg vidare på dette.

Sidan det snart er jul fant eg ut at det var på sin plass med ein engel

To par lysestaker blei det og

Det er tid for julegløgg, og då må me jo ha gløggkoppar
(de ser litt skeive og skakke ut, men det var faktisk meininga...heilt sant:-)

Og espressokoppar:

Godt fornøyd med mitt aller første kurs i keramikk, og som sagt; det fristar så absolutt til å fortsetta med!

Oppussing

Wed, 10 Dec 2008 22:56:15 GMT

Det er stadig litt oppussing på gong, og ekstra kjekt er det å pussa opp etter at det blei "lov" med litt mønster og fargar igjen.
Her er det tv-stova som har fått seg ein "makeover"

Tenåringsdattera ønskte seg eit litt "freshare" rom, og då blei det slik

Veldig godt fornøyd med begge deler!

Litt håndarbeid siden sist..

Mon, 08 Dec 2008 22:32:12 GMT

På håndarbeidsfronten har det helst vore labert siden sist, men litt har eg nå klart å få ferdig.

Eg fekk ein ny nevø i år, og då måtte det jo sjølvsagt bli noke blått:

Og så måtte eg jo prøva meg på nøstebarndressen. Den strikka eg i mini alpakka.

Ei lita jente fekk dette settet med smetteskjerf, lue og babysko.

Har shoppa litt

Fri, 05 Dec 2008 23:50:29 GMT

Har hatt ein aldri så liten shopping hos Himmelrommet. Blant anna så bestilte eg denne kortholderen. I fjor hadde eg julekort og -bilder i alle hyller, men i år skal dei få henga fint på utstilling i kortholderen. Så no er det bare å vente på julekorta.

Ellers var det ein veldig koselig pakke som kom i posten fra Himmelrommet. I lag med varene eg bestilte låg det litt godteri og ein hånd- og fotkrem. Om det var som kompensasjon for at pakken min blei litt forsinka eller om dette er vanlig service, veit eg ikkje, men det var iallefall koselig og flott service!

Lenge siden sist..

Fri, 05 Dec 2008 23:28:56 GMT

Har hatt ein laaang bloggpause, men no prøver eg litt igjen..

Det er blitt adventstid igjen, og adventsstaken er komt på plass.
Ein ny vri i år, men eg har den gamle og :-) To adventsstakar e no berre lækkert...

Kjøkkenet er og pynta og klart for jul.
Juleduken sydde eg til jul i fjor, og er etter et mønster fra AnnAKa

Invitasjonar til konfirmasjon

Sun, 15 Apr 2007 21:52:56 GMT

I påsken fekk eg gjort ferdig invitasjonane til konfirmasjonen til eldsteguten. Det blei litt klipping og liming, men så er det jo ikkje kvart år me har konfirmasjon i huset heller. Blei veldig fornøyd med desse. No er det levert ut, og det meste skal vere i rute til konfirmasjonen i slutten av april.

Sjal og pulsvarmere i Mohair Lux igjen..

Sun, 15 Apr 2007 21:47:59 GMT

Fekk lyst å strikke endå eit sett med sjal og pulsvarmere i Mohair Lux. Synes det garnet er så fint med fargesjatteringene, og så er det mjukt og varmt. Dette settet fekk svigerinna mi til 35 års dagen sin.

Påskehøner

Sun, 15 Apr 2007 21:34:52 GMT

Har fått gjort litt håndarbeid før og i påsken, men har ikkje vore så flink å oppdatera bloggen.
Først ut er påskehønene mine. Litt kjekt med noke anna enn bare gult til påske..

Dukkeklær

Tue, 13 Feb 2007 23:49:21 GMT

Dette settet blei ferdig i kveld. Det skal gå til ei dukke som skal loddast ut på basar i påsken, sammen med fleire klær som andre har strikka. Jenta her i huset hadde jo sjølvsagt også lyst på dette settet, så kanskje det blir eit til, eller me må kjøpa masse lodd :-)

Siste julegaven ferdig

Fri, 05 Jan 2007 00:46:51 GMT

Vetlejulafta var siste julegaven ferdig.
Hekla og tova tøfler med blomsterpynt:

Engler

Fri, 05 Jan 2007 00:19:56 GMT

Engler høyrer vel til jula. Desse er laga av dattera i huset. Kjempefine blei dei!

Slik blei duken

Fri, 05 Jan 2007 00:16:35 GMT

Ferdig til advent blei den og. Veldig fornøyd med denne!

Adventsstaken er òg på plass.

Vinflaskeveske

Tue, 14 Nov 2006 22:34:32 GMT

Denne vinflaskeveska har eg hatt liggande i nesten et år.
No har eg endelig somla meg til å sy fast trådane og pynta ho..:)

Odessa luer og pulsvarmere

Tue, 14 Nov 2006 22:31:50 GMT

Så er eg ferdig med 5 Odessa luer og 3 par pulsvarmere. Desse skal bli julepresangar.

Snart advent...

Tue, 14 Nov 2006 22:26:29 GMT

Sist veke var eg på et sykurs der me skulle læra å sy duk i crazy log cabin.
Eg valgte adventsfargar til det som skal bli blomsten, og svart/koks til bakgrunn (bladene).
Sikkert ikkje det beste valget, sidan det ikkje er den største kontrasten mellom dei fargane, og blomen vil derfor ikkje komma så godt fram. Men uansett, ønsket var ein duk i adventsfargar, og fargerik og fin blir han sikkert likevel.

Dei første blokkene som skal delast opp igjen..

Så langt er eg komt foreløpig. No skal det fyllast ut med bakgrunnsstoff.

Branching Out sjal og pulsvarmere

Tue, 07 Nov 2006 12:41:41 GMT

Endelig ferdig med Branching Out sjalet og pulsvarmere,
strikket i Mohair Lux.
Desse skal bli gitt i bursdagspresang til mamma seinare idag.

Me har fått oss hund!

Tue, 07 Nov 2006 12:23:57 GMT

Laika heiter ho, er 10 veker og er spinnvill..
Mora er Border Collie og faren er Engelsk Setter.
Me håper me skal få ein snill og rolig hund ut av ho med tida, men kvalpetida var visst noko tøffare enn me trudde. Ho er veeeldig leken stort sett heile dagen, men er òg litt kosen når ho ein sjelden gong er trøtt :-)

Tøfler av oldemorruter

Tue, 20 Jun 2006 23:00:16 GMT

Desse tøflene er sett sammen av oldemorruter, og tovet.
Blei veldig fornøyd med dei, og dei har veldig god passform.