Eg, som dataansvarleg, tilstår herved at eg rett og slett har forsømt Sogn og Fjordane SU-bloggen. Dette må eg verkeleg beklage, håpar det kan tilgjevast!
Men i denne samanheng vil eg gjerne nemne at denne SU-bloggen er for alle! Om lokallaget har bedrive noko spanande i det siste, om det er ei hjartesak de vil at resten av verda skal få høyre om: skriv eit innlegg!

Så no skuffar eg berre alt ansvaret over på dykk andre S&FSU-arar der ute. Neidå. Ikkje heilt, men nesten. Er det noko du vil dele, er det berre å sende meg ein e-post, så kan eg sende dykk brukarnamn og passord! Eller de kan sende meg heile innlegget og eventuelle bilete, så kan eg ordne resten.

uziwamagitaa@gmail.com

Vil også nemne at SUsidene våre ikkje er 100% like forsømte, så dei intresserte kan ho ta ein tur innom der for å sjå kva som skjer for tida.
http://www.su.no/Organisasjon/Fylkeslag/Sogn_og_Fjordane/index.html
Her finn du også lokallaga sine sider.

- Johanne Karlsrud
Dataansvarleg ++

- Å bygga monstermaster i Hardanger er eit svik mot nasjonal kulturarv og klart overtramp mot lokaldemokratiet, seier ein sint og opprørt Aleksander Eilertsen, leiar i Hordaland SU. Han legg til at det ser ut som Jens Stoltenberg og Terje Riis-Johansen gjer sport av å øydelegga miljøet. Eilertsen får full støtte frå sin kollega i Sogn og Fjordane, Albert Andersen Øydvin.

Dei to fylkesleiarane frontar sjøkabel som alternativ. Det er i hovudsak kraftforbruket i oljeindustrien som skapar behov for auka kraftutbygging.

- I staden for å rasera vår felles kulturarv burde statsråd Terje Riis-Johansen ha ballar nok til å senda rekninga for kabel der den høyrer heime, hjå oljeselskapa, seier Øydvin.

- Nettopp fordi olja ikkje kjem til vara evig, mens monstermastene vil gjera uoppretteleg skade, er dette ei bestluting som særleg rammar ungdom og framtidige generasjonar, held Eilertsen fram, som gjer honnør til ungdomsråda i Hardanger som har jobba hardt med denne saka. Han fnys av forslaget om kompensasjon til dei råka kommunane på 100 millionar kroner:

- Det er ei grov fornærming mot folket i Hardanger å komma med eit so usselt beløp. Å sei at uerstatteleg natur kan kjøpast for småpengar er eit hån mot identiteten til hardingane og mot den norske kulturarva. Regionen vil dessutan tapa mange gonger dei pengane gjennom dårlegare vilkår for reiseliv. Jens Stoltenberg og resten av AP/SP-toppen har tydelegvis ikkje peiling på kva dei faktisk gjer i denne saka. Det må bli slutt på at politikarar i Oslo-området ranar Vestlandet for ressursar på den måten som me ser no.

Hordaland og Sogn og Fjordane SU vil jobba saman med folkeaksjonen og andre som ynskjer å halda fram kampen for Norges vakraste naturområder.

- Me vil mobilisera til aksjonar med brei folkeleg deltaking og me er villige til å bruka sivil ulydnad om det er som skal til, avsluttar dei to fylkesleiarane.

«I over 50 år har dei internasjonale oljeselskapa, inkludert Statoil, drive rovdrift på landet sine oljeressursar. Dette har ført til enorme miljøkonsekvensar, utan at oljerikdomen har kome folket i Nigeria til gode. I staden har livsgrunnlaget; dei arbeidsplassane folk hadde før olja, blitt øydelagt. Det som tidlegare var eit av Afrikas frodigaste landbruk og som eksporterte mat til resten av kontinentet, er no forureina og øydelagt. Same vegen har det gått med fisket. Nigerdeltaet er området der oljeutvinninga føregår. Det var før fult av fisk, men no flyt elvane tjukke i olje og alt som tidlegare levde der døyr. Mange stader har det til og med utvikla seg sokalla «oljesumpar» av spillolje som ingen ryddar opp.»

Kampanje

Sosialistisk Ungdom gjennomfører denne våren ei internasjonal solidaritetskampanje med befolkninga i Nigerdeltaet i Nigeria. Utsendingar frå SU har vore på rundreise i området, saman med dei lokale samarbeidspartnarane Environmental Rights Action (ERA). Dei har i etterkant reist rundt lokallaga i SU, fortalt om opplevingane sine i Nigerdeltaet og vidareformidla boskapen til den nigerianske lokalbefolkninga. Karlsrud fortel: «Alle som dei frå delegasjonen vår prata med i Nigeria er heilt klare; dei vil ikkje ha meir oljeverksemd! Dei har gått grundig lei at oljeindustrien øydelegg livsgrunnlaget, samfunna og liva deira.»

ERA har ikkje berre som hovudmål at oljeressursane i Nigeria skal komma det nigerianske folket til gode og kasta ut eller skattlegga dei internasjonale oljeselskapa. Dei ynskjer ogso ei fullstendig stopp i oljeutvinninga i landet. Dette tykkjer Sosialistisk Ungdom er temmeleg imponerande: «Me ser at nigerianarane ikkje ynskjer meir oljeutvinning, til tross for dei enorme verdiane som ligg under bakken i Nigeria. Oljeførekomstane i Nigeria er mykje større enn dei me har i Noreg. Likevel er dei negative konsekvensane so store at folket ynskjer å kvitta seg med heile industrien. Dei ser at risikoen ved oljeverksemd og sjansen for å øydelegga fornybare ressursar som fisk og landbruk er alt for store til at det er verdt det. Olja går ein jo trass alt tom for.»

Norske forhald

Karlsrud dreg ogso parallellar til norske forhald:

«Detta er noko me her i Noreg kan læra av. Når me ser at oljeindustrien er ansvarlege for enorme miljøøydeleggingar, seinast monsterutsleppet i Mexicogulfen, som øydelegg dei fornybare ressursane som me treng som sårt når me skal klara oss utan olje, so bør det blinka nokre varsellamper. I Nigeria ser me at oljeindustrien skapar få jobbar for vanlege nigerianarar. I staden importerer selskapa arbeidskraft frå andre land, som til dømes Kina, det til trass for at arbeidslausa og fattigdommen er enorm. Noko av den same effekten meinar me ein vil få dersom ein opnar for oljeboring i nord. Sjølv om oljeselskapa prøvar å skapa eit bilete av mange nye arbeidsplassar i Nord-Noreg i propagandakrigen sin viser undersøkingar at oljeboring i nord vil skapa få nye arbeidsplassar i Nord, men mange i Stavanger. På same måte som at det er mange oljefelt utanfor kysten til fylket vårt, utan at me har nokon arbeidsplassar knytt til det å snakka om. Det er utruleg viktig, ikkje minst for oss unge som eig framtida, at det norske folk seier nei når storselskapa pressar på og prøvar å opna sårbare områder som Lofoten, Vesterålen og Senja for oljeboring!»

-Korleis reagerte den jamne sogndølen på aksjonen dykkar?

«Folk var utruleg positive og interesserte! Det var mange som støtta kravet vårt og me fekk ein heil del underskrifter. Eg trur folk har ei ganske klar oppfatning om kva Statoil skal vera; det skal vera eit selskap eigd og styrt av det norske folket for å forvalta norske ressursar til det beste for befolkninga i Noreg. Statoil skal ikkje driva utplyndring av fattige land sine ressursar og bidra til miljøøydeleggingar og fattigdom. Me krev difor at Statoil blir kjøpt opp av den norske staten, sånn at det igjen kan vera 100% eigd av det norske folk og at staten brukar eigarskapen sin til å trekka oss ut av Nigeria.» 

Natur og Ungdom i Sogndal var ogso med på aksjonen som eit samarbeid mellom SU og NU. Mari Sofie Johanne Sandvik, leiar i Sogndal NU støttar gladleg opp om aksjonen:

"Sogndal Natur og Ungdom støttar meir enn gjerne denne kampanjen. Det er ikkje rett at oljenæringa, som er ei midlertidig næring, skal få rasera menneske sine sjansar til å livnæra seg sjølve, og generasjonane som kjem. Statoil er ein aktør i utvinninga av olje i Nigeria, noko som gjer at dei må ta sin del av ansvaret for dei katastrofale følgjene dette har fått for det nigerianske folket. Ei slik utnytting vil me ikkje vere med på! Det er på høg tid at Statoil respekterer ynskja til lokalbefolkninga, og trekkjer seg ut av landet."

Heihei! Eg heiter Albert og er vald til fylkesleiar og landsstyrepresentant for Sogn og Fjordane SU. Dette betyr at eg mellom anna har ansvar for å:

- Kalla inn til møte i fylkesstyret(i samarbeid med sektretæren)!

- Vera andletet vårt i meida og fronta kampsakene våre der!

- Gje folk ulike arbeidsoppgåver og syta føre at fylkesstyret fungerar som det skal!

- Representera S&F-SU i landsstyret, ta opp sakene våre der og syta føre at landsstyresakene blir tekne opp i fylket!

- Vera bindeleddet mellom landsstyret og lokal- og fylkeslag!

Eg er 17 år. Bur på Kaupanger i Sogndal kommune og går på Studieførebuande på Sogndal vidaregåande skule. Eg er engasjert i masse forskjelling; både lokale, nasjonale og internasjonale saker. Draumen om eit sosialistisk folkestyre og ei feministisk frigjering er det som står aller sterkast hjå meg og eg blir aldri lei kampen for fridom, rettferd og demokrati!

Når eg ikkje driv med SU spring eg orientering, heng med vener eller lokar på maskina. Likar godt musikk, film, blad, natur, vener og masse andre ting!:D

Me talast!

Sogn og Fjordane SU reagerer kraftig på planane styret i Helse Førde legg fram i strategidokumentet sitt om å gjera dei to lokalsjukehusa i fylket til distriktsmedisinske senter. Dette vil i praksis vera ei nedlegging, og soleis eit brot med den raudgrøne regjeringserklæringa Soria Moria II.

Noko av det viktigaste helsevesenet gjer er å gje folk eit tilbod om akuttbehandling og fødetilbod nært heimen deira. Dette handlar om tryggleik for folk flest og vita om at ein ikkje må reisa langt av garde dersom ein plutseleg skulle bli råka av alvorleg sjukdom eller skade. Det er ogso veldig viktig i høve til å redda so mange liv som mogleg i dei situasjonane der kvart minutt tel. Lokalsjukehusa sikrar i dag dette og syter for at folk har eit desentralisert helsetilbod nært heimen sin.

Me i S&F-SU meiner at prinsippet om nærleik til akutt- og fødetilbod må vera det som ligg til grunn for sjukehusstrukturen i fylket og at det overordna målet må vera å redda so mange menneskje som mogleg. Då kan ein heller frakta pasientar der det ikkje er ein akutt situasjon, som planlagde kneoperasjonar, til Førde eller Bergen. S&F-SU ynskjer å behalda dagens sjukehusstruktur i fylket, med ei styrking av lokalsjukehusa.

I dag er ikkje sjukehusa underlagt demokratisk kontroll. Det er fullstendig håplaust at våre folkevalde skal ha so lite å sei for korleis noko so viktig som sjukehusa våre drivast. Føretaksmodellen med dei einkelte føretaksstyra har soleis eit enormt demokratisk underskot. I tillegg ser me at modellen i dag tvingar fram innsparingar og nedleggingar som er mot folkevilja og heller ikkje er naudsynte. Utrekningsmodellane Helse Førde presenterer i strategidokumentet er laga av PriceWaterHouseCoopers. Dersom me skal tru utrekningane Helse Førde har presentert for oss tidlegare og som vart brukt sist gong ein gjennomførte store innsparingar i fylket, so burde føretaket i dag gå med overskot. Ein har heller ikkje teke med utgiftsidene av å legga ned lokalsjukehusa i det totale reknestykket, og grunnlaget forslaga er laga på er jamnt over veldig svakt. Det er difor stor grunn til å tvila på at innsparingane som no er føreslått faktisk vil føra til reelle innsparingar og at situasjonen på sikt vil betra seg. I staden set Helse Førde målet om so store innsparingar som mogleg over eit trygt helsetilbod for folket i Sogn og Fjordane.

I dag står faktisk styret i Helse Førde ribba for besluttnadsmakt etter at Helse Vest har lagt ned rammene sine og driv i hovudsak med ting som like godt kunne vore administrativt arbeide. Det at Helse Førde fungerer som ei marionettedukke for Helse Vest, utan at innbyggjarane i Sogn og Fjordane har noko dei skulle ha sagt viser med all tydelegheit galskapen i føretaksmodellen og den enorme mangelen på demokratisk styring.

Difor er det ekstremt naudsynt, både for å sikra demokratisk styring og for å stogga raseringa av Helse Noreg som pågår, å endra måten sjukehusa styrast på og kasta vrak på Arbeidarpartiet sin føretaksmodell. S&F-SU meinar at ansvaret og styringa av sjukehusa våre skal førast attende til fylkeskommunen.

Sogn og Fjordane Sosialistisk Ungdom krev:

• At målet om eit godt og desentralisert akutt- og fødetilbod går framfor målet om budsjettbalanse og innsparingar hjå Helse Førde.

• At departementet grip inn mot planane om nedlegging av lokalsjukehusa.

• At føretaksmodellen vrakast og styringa overførast til fylkeskommunen.

• At ein satsar på og overførar meir pengar lokalsjukehusa i staden for å byggja dei ned.

• At ein fjernar stykkprisfinansieringa i helsevesenet, og erstattar den med rammeoverføringar.

Fylkesstyret, ved Albert

- Leiar i S&F-SU

I fleire kommunar i fylket får dei som konfirmerar seg kyrkjeleg tilbod om konfirmasjonsundervisning på skulen, i skuletida. Mange stader står dei som har velt å ikkje konfirmere seg kyrkjeleg utan tilbod, men med møteplikt. 

I Flora kommune har debatten rasa i det siste om korvidt dette er i riktig. 

Rektor ved skulen forsvarar ordninga ved å påpeike at Human-Etisk Forbund har fått tilbod om å halde undervisning for sine konfirmantar samstundes som den kyrkjelege undervisinga føregår, men dette har synt seg problematisk å gjennomføre. Dessutan vil elevane som har velt å ikkje konfirmere seg i det heile teke framleis stå utan tilbod under ei slik ordning. 

Sogn og Fjordane SU meiner at denne skilnadsbehandlinga er religionsdiskriminering. Vi meiner at konfirmasjonsundervising, uansett i kva tru eller livssyn, bør føregå på fritida. Lærarane klagar allereie over for kort tid til å gå gjennom pensum, og å nytte dyrebare skuletimar som ikkje alle elevane får nytte av meiner vi er tjuveri. 

Kirka høyrer på ingen måte heime i skulen!

- Hege

På toppen tronar framleis vår O'Store Leiar Albert Andersen Øydvin frå Kaupanger. Han har òg fått det ærefulle oppdraget å representere Sogn og Fjordane SU i landsstyret, som er det høgaste organet i organisasjonen utanom landsmøta. 

Som nestleiar finn vi Susanne Odjik Solbakken frå Florø.

Som sekretær har vi Alma Andersen Øydvin frå Kaupanger. 

Som styremedlem har vi Arne Hjelle Strand frå Eid, som og er SU sin representant i fylkesstyret til SV. 

Styremedlem er òg tittelen til Even Eide Onstad frå Florø. 

Eg oppmodar alle desse til å skrive eit innlegg med litt meir info om seg sjølv, samt kontaktinformasjon!

- Hege, tilbakevendt til grasrota

Etter ein rundt 12 timar lang busstur var det 50 trøytte sosialistar som ankom Københamn. Det vart litt leiting før me endeleg fann gymsalen som skulle vere heimen vår dei neste dagane. Trøyttheitsnivået var ganske høgt, så det var ikkje lenge før stilla senka seg i salen.

Laurdagen var det tidleg opp for å ete frukost og for å gjere siste finnish på banner og plakatar. Snart vandra me med godt humør og pågangsmot inn mot Københamn sentrum og målet for turen: Klimamarsjen. Me slo oss saman med og gjekk med systerorganisasjonane våre frå Sverige og Finnland; Ung Vänster og Vasemmistonuoret. Deretter slo me oss saman med hovuddemonstrasjonen, sjølve marsjen, på om lag 100 000 menneskje. 

Det var ei fantastisk oppleving med ein fantastisk brei demonstrasjon. God stemning og stor motivasjon hjå de

ltakarane, og det blei ropt slagord og songe songar til den store gullmedaljen. Alle folkeslag, gamle og unge var representerte og det var fantastisk mykje kreativ aksjonisme.

Ein heilt fantastisk tur var det, og det var

50 trøytte men glade sosialistar som returnerte til heimane sine.

 - Johanne Karlsrud

Feministisk sjølvforsvar

Flora SU arrangerer feministiske sjølvforsvarskurs lørdag 5 desemer, og vi vil at du  skal bli med!

Helga opna med litt praktisk info, før gutane og jentene gjekk kvar til sitt og hadde formøter. Kvelden holdt fram med ein spontan konsert, pizza, mykje sosialt og filmen Frk. Sverige som både hadde eit bra bodskap og var knakande bra!

Laurdagen var det feminisme- og sosialismeinnleiing og workshop «Vern om fjorden» i samarbeid med NU (Natur og Ungdom). Det var ikkje mangel på godt humør i gjengen, så stemninga var på topp jamt over. Song, latter, spel, filmar med politisk bodskap og diskusjonar prega seminaret.

Søndag var det ein noko trøttare gjeng som stilte opp til frukost klokka 09:40, men det fantastiske humøret var der framleis. Etter miljøinnleiing og lokallagsdiskusjonar var det diverre på tide for deltakarane å pakke saman og begi seg på veg mot bussen. Seminaret vart avslutta med ein høgrøsta og kraftfull vesjon av «Internasjonalen» på nynorsk.

Helg og ferskenseminar over, med stor suksess!

- Johanne

Me held seminar på Sandane den 27-29 November, og håper at DU kjem!

På laurdags kvelden  blir det konsert på kulturhuset, so det er godt mogleg at me tek oss ein tur. Den kostar 50kr.

Vi har gleda av å arrangere ferskenseminar på Sandane i samarbeid med Sandane SU!

Ferskenseminaret er for de som er nye medlem, de som vurderar å bli medlem og de som lurer på kva SU står for. 

Vi skal ha grunnskuleringar i feminisme, sosialisme, miljø og kanskje skulepolitikk, vi skal ha feministisk sjølvforsvarskurs for jentene og kulturelle aktivitetar til alle! I tillegg blir det masse sosialt og mange nye folk å helse på. Seminaravgifta blir på 100  kr, vi dekkjer reise!

Ta med deg ein ven eller fem og kom! Meld deg på per mail til hege.m.stofring@gmail.com eller SMS til 41690616, sei ifrå om du har matallergiar eller andre spesielle "behov". 

Kvar?   Firda VGS, Sandane

Når?    27.-29. November

Meir informasjon om oppmøtetidspunkt osb kjem etterkvart. For annan informasjon/for foreldre er det berre å ta kontakt og spørje!

Ting ein kanskje må ta med seg er sovepose og liggjeunderlag, skrivesaker, toalettsaker og lommepengar til ein eventuell kiosk.

- Vassdraga i Jostedalen er allereie hardt utbygde, og etter denne mogelege utbygginga vil Jostedøla vere den einaste urørde elva som er igjen på strekninga med busetnad i dalen. Denne utbygginga tek soleis vekk høve for framtidige generasjonar til å oppleva urørt natur i nærleiken av der dei bur.

- Friluftsliv er viktig for menneskja som bur i Jostedalen, men og for turistar som ynskjer å oppleve den vakre naturen og stølane i Jostedalen. Då ynskjer dei ikkje å møta store inngrep i naturen. Utbygginga vil soleis ha negative konsekvensar for lokalt næring- og reiseliv.

- Utbygginga vil ogso ha store konsekvensar for fiskebestanden i elva Jostedøla, mellom anna på grunn av temperaturendring i elva og lågare vasstand som det å leggja sideelvene i røyr og leia dei vekk fører med seg. At fisken forsvinn vil igjen ha negative konsekvensar for reiselivsnæringa og framtidige generasjonar.

Til slutt går det eit prinsipielt og nasjonalt skilje i denne saka; med det nye fokuset miljø og fornybar energi har fått dei siste åra har presset på dei urørte elvene me har igjen auka dramatisk. Me i S&F-SU ynskjer fornybar energi velkommen og er ein av dei fremste pådrivarane for eit grønt og berekraftig samfunn, men å byggja ut kvar ein bekk i Noreg er ikkje løysninga. Urørt natur har ein eigenverdi og tilgangen til det er for særs mange menneskje eit grunnleggjande behov. Og fram til me veit korleis me skal reparera eit økosystem me har øydelagt, bør me vera restriktive med å gjera nettopp det. Når me først har kasta vrak på urørt natur er det ofte ikkje mogleg å få han tilbake.

Difor går me i S&F-SU i mot ei storstilt utbygging av dei gjenverande vassdraga me har igjen her i fylket og i Noreg. Det vil vera høve for noko småkraftutbygging, men storparten av elvane me har igjen bør vernast. Me vil heller gå inn for ei oppgradering og effektivisering av dagens vasskraftverk, noko som vil utløysa eit stort potensiale for miljøvenleg energi.

-Albert, leiar