linkol

22.feb.2009

Sun, 22 Feb 2009 21:49:08 GMT

Eg har fått ny bloggside......lindastrikkerier.blogspot.com

Luer

Tue, 17 Feb 2009 14:59:56 GMT

Johannes ville ha lua med skugge på, så då var det berre å setja i gang å strikka ei. Fyrst strikka eg ei i Smart, koks og offwhite. Den passa så fint til strikkajakkene mine så den beholdt eg sjølv. Så strikka eg denne over her i turkis med svart mønster i Viking Superwash. Denne dikta eg mønster til sjølv.

Bilde vart visst feil veg :)
Minste guten ville og ha. Lua han strikka eg i svart med turkis mønster i Viking Superwash. Eg dikta mønster til denne og.

14.feb.2009

Mon, 16 Feb 2009 19:10:58 GMT

I dag har eg byrja i ny jobb, i tillegg til den eg allerede har som hjelpepleiar. Tenkte det ville vera fint med litt avveksling innimellom. Nye jobben er berre som ekstrahjelp i ein sy og strikke butikk. Og eg som aldri har jobba i butikk før. Men eg både gleda og grua meg då eg hadde takka ja til å byrja. Men det gjekk no bra likevel.......trur eg. Kassa og det med pengar likar eg ikkje heilt, redd for¨å gje feil tilbake. Får kunden forlite så seier dei ifrå, men er ikkje lika sikker viss dei får formasse.....då vert det jo feil i kassen.....
For det mesta så har eg fyllt på med garn i hyllene. Og prøvd å hjelpa dei som har spurt. Eg har peiling på litt garn,........men ikkje alt. Vert vel betre vil eg tru. Jammen er det og masse å setja seg inn i og det vil nok ta ei tid før eg har det. Fyrste dagen på arbeid kom eg heim att med 5 rosa nøster i alpakka, som eg skal strikka meg ein ny vest i. Sjølv om eg har masse å ta av her heima. Handarbeidslageret av påbegynte arbeid veks stadig. Men det er no noko som vert ferdig og.

15.feb.2009

Sun, 15 Feb 2009 12:45:00 GMT

Her har eg byrja på eit nytt prosjekt. Eg såg eit fint hekla teppe i Familien no etter jul, som eg ikkje fekk heilt ut av hovudet. I oppskrifta er det brukt alpakka garn, men eg har leita fram det eg hadde av babyull. Har berre kjøpt nokre fargar til som eg kan bryta det litt opp med slik at ikkje alle rutene inneheld raud, blå, grøn, gul og kvit. Teppe skal bestå av 24 ruter på ca.19cm. Så det blir nok ca. 90X130, sidan det skal vera ein kant rudt. Gutungane har allerede byrja diskutere kven av dei som skal ha det......

Trudde eg skulle bli så aktiv

Sun, 15 Feb 2009 12:02:00 GMT

Heisann!
Eg trudde eg skulle bli så aktiv i denne bloggverden, men det ser ikkje slik ut. Det vert mest til at eg brukar tida på å sjå kva andre har skrevet og lagt ut av handarbeid. Er ikkje så flink til å skriva heller. Men, men det kjem seg vel etterkvart.
No sit eg her på kjøkenet og skriv medan eg steikjer kotelettar til middag, mann og ungar dei er på ski. Hadde tenkt å vera med eg og, men huset såg ikkje ut etter ei travel veka, så eg valgte å vera heima å gjera litt....husarbeid. Men det vert nok ikkje så mykje sidan eg sit her og skriv.
Ute så snøar det.... der kom resten av familien heim att, det vart for mykje laussnø i skitrekket for dei. Ja,ja då var den stille stunda brutt.

10.feb.2009

Tue, 10 Feb 2009 09:06:25 GMT

Dette settet har eg strikka i Bris. Skjerfet er kjempegodt. Garnet er utruleg mjukt og godt. Lua er ikkje heilt slik eg likar dei, men men. Skjerfet har iallefall brukt masse.

Velkommen til min blogg!

Tue, 10 Feb 2009 07:19:38 GMT

Heisann. No har eg rota meg inn på slik blogging eg og. Har sett så mange fine bloggar om og med handarbeid. Kansje eg kan klara å laga noko slikt eg og. Er ikkje noko flink på data, så eg må nok spørja jentungen om hjelp........Men kansje eg vert ein resar til slutt.