fredrikhostaker.tumblr.com

foto: bilder nordic

shit, vi reiser jo til paris!

foto / moritz kloft

eg må få tak i deg. eg skulle jo få det klesstativet av deg, for eg treng det no. mitt sjanglar som berre det. det heng for mange kle på det, så eg treng ditt store og solide. eg prøver å bli kvitt ein del av kleda mine forresten. som blant anna den stripete t-skjorta i svart og kvitt. du kan få den, du likte jo den så godt. du likte den og den luftige grå genseren med u-hals. men den har jo ein flekk på seg no. massasjeoljeflekk etter den gangen eg masserte deg veit du. så den går jo nesten ikkje an å bruke. og det er synd, for det var den finaste genseren min og no ser det ut som noko heilt anna har flekka seg midt på brystet der. det same med det beige lakenet mitt, heilt øydelagd. flekkar overalt. det ser jo ut som ei overkåt tenåringstruse som ikkje har blitt vaska men som berre blir verande i sitt ureine og jævlig stygge eg. så lakenet må kastast, lakenet og den grå genseren. og det er synd, for det var ikkje eingong ein bra massasje.

tekst / privat
foto / mariell

be my fucking valentine
syng eg i dag
fjortande februar
rart det ikkje er trettande

kjøper konfektesker
marsmallowhjarter
og røde roser i bukett

dette brenn eg på eit bål
større en sankthansflammer
blir det og eg ler

for det er morosamt.

går heim, låser døra
drar for gardinene
og skriv på ein søknad
til sgt. pepper's lonely hearts club band
som eg ikkje fekk sendt i fjor

eller året før.

tekst / privat
foto / pierre et gilles

the heartbeat counter of a teenage dream

foto / mariell

følg meg!

denne lista handlar om dei som kjenner seg ubehagelig vektlause, svevande i plastposar. men som tilslutt innser at for å kunne komme ned til jorda igjen, må dei sjølv knyte seg ut av plastposane og feire seg sjølv og berre seg sjølv.

ingen kan hindre meg i å erobre verdaa

foto / mariell

skal du vere nok ein gut som berre sluttar å svare?
nok ein gut som berre kastar meg i bosset

men ikkje faen
om eg lar deg
gjere det

du kjem aldri til å bli
ein som kan knyte seg sjølv ut av plastposen
på veg ned i dunken
men det kan eg
det er eg

og difor seier eg at:
det aldri går nedover,
det går berre oppover ? berre oppover

greit, du kan velje å ikkje svare meg.
(herregud er ikkje du fire år eldre enn meg?)
eg har slutta å sende deg spørsmål og forståingar.

eg veit du kjem til å sakne meg.

tekst / privat
foto / heidi

då eg la meg inntil han den lørdagsnatta:

- har du feber?
- nei, eg har ikkje feber?
- du er utrulig varm!
- er eg det?
- ja, du kokar
- kanskje eg gjer det

han haldt meg fast likevel. sjølv om han nesten brende seg på den heite huda mi.

ein halv time etter slapp han grepet og eg skjønte han hadde sovna. korleis klarte han å sovne? var det ikkje ein million eksploderande fine ting som flaug rundt i hovudet hans? som korleis håret mitt lukta. at eg hadde mjuk hud over skuldra. mine pikante kragebein. dei stramme leggane mine.

ved frukosten morgonen etter:

- kvifor er du så trøtt?
- eg har ikkje sove, klare det berre ikkje
- så dumt då

så vart det litt for stille, eller eg berre sovna litt. mens han tygde frukosten sin.

tekst / privat
foto / mariell øyre

klokka var tre på natta
det var iskaldt
vi var kjempefulle

og der i eit festfylt oslokryss
kryssa vi våre armar rundt kvarandre
og vi grein som berre det

du skulle berre reise vekk i to månadar
til ein av verdas vakraste byar
og eg skulle besøke deg etter tre veker
men vi grein store søledammar på kvarandre

då eg såg deg i auga med alle mascaraelvene rundt
såg eg kor ei lita og uskuldig og redd jente du var
så rein og god med reint sengetøy og børsta hår

det er lov å vere redd

det er lov å vere redd

tekst / privat
foto / hedi slimane

det er veldig slitsamt
å gå i slaps.
ein må trengje seg fram
overalt med ein teknikk
ein ikkje beherskar.
og mens ein plogar seg gjennom
får ein altfor god tid til å tenkje på
alle andre dritting som ein må
trengje seg gjennom.

som

1 alle first price-matvarene
som smakar dritt
2 drittdårlige bøker som
må leverast inn på deichmanske
3 betale straum som er drittdyr (det er
nesten det verste for eg veit
at eg kanskje har det litt for varmt
enn det eg burde,
men eg elskar å gå i shorts og singlett inne
og drite i at eg heller burde tvinge meg inn i
ullundertøy og ullgensar og ullsokkar, det klør.
det er min måte å gløyme at det er vinter)
4 kvar gong eg høyrer på musikk, og
songen handlar om kjærleik (alle songar
handlar jo om det), og eg ser altfor godt
at songen er skriven
hundre og førtifire prosent
til meg. dritt.

tekst / privat
foto / jtfoster

kvardagsliv, sesong 1

(pilot: berre første setning)
eg sit i senga
i berre boxaren.
eg veit ikkje kva eg skal ha på meg.
dritt lei alle kleda mine,
dessutan er dei ikkje varme nok.

kvardagsliv, sesong 2

blir forbanna
på folk som ikkje
oppdaterer facebooken sin oftare.
og eg blir forbanna
på at eg ikkje har gjort
noko anna i fem timar.

kvardagsliv, sesong 3

høyrer "stars 4ever" på repeat
heile bussturen før jobb.
aldri blir behovet for robyn sterkare
enn når eg er heime.

kvardagsliv, sesong 4

mistar 20-bussen
bannar heile vegen heim og
ønskjer at alt og alle eg ser
tar fyr og døyr.

kvardagsliv, sesong 5

vaknar av meldinga:
"er dritings, skal vi møtast?"
slår på lyset, svarer:
"ok."
får svar:
"sry, sendte feil."

tekst & foto / privat

foto / igor zimmermann
tekst / privat

så er det allereie desember og eg har budd mitt første halvår i oslo. og det har vore slik:

foto / privat

dagen etter blåste det i meg
eg kunne ikkje la deg kome hit.
den pulsen som slo sist natt utan mørke,
slår ikkje lengre under vingene
til nattsvermarane i år.

og ingenting stemde,
det blåste tversgjennom meg.
ut.

kvifor du ikkje kunne kome hit igjen:
eg trengde deg mest fordi
eg trengde meg sjølv.

foto / andreas felipe
tekst / privat

eg fortener tunge pust
mot våte lepper
og hud som stryk over hud
eg fortener stjerner i mørket
av nokon som kan gje meg dei
og føter å flette til eg sovar
auge å vakne i om morgonen
eg fortener sommarnatt ved fjorden
med bølgjene som slår
og vugginga i båten til den veltar
tvert om
eg fortener å bli elska
og få hjartet knust som straff

tekst / privat