Ofte nytta vi ungane sjansen til å sove i telt i hagen, og det var alltid artig å stå opp morgonen etter for å sjå om bålet framleis brann. Gjorde det det, heiv vi sjølvsagt på meir, slik at det blussa opp, og vi kunne grille pølser til frukost. Dersom det viste seg at vi ikkje fekk fyr, brukte vi i staden oska til å male ansiktet og leike lausungar og tiggarar. Herlege minner!

Men i år hadde eg altså gløymd heile greia. Eg kom ikkje på det før eg vart invitert til Torheim med familien til Martin, og det sjokkerte meg eigentleg ein smule. Martin sjølv ville ikkje vere med, så eg sykla dit saman med Solbjørg og Lina. Det er faktisk to mil, så eg synest det var ein bra tur.

På Torheim grilla vi, tende bål og sende flaskepost. Etterpå tok vi oss ei runde i bygda og plukka morellar (ikkje alle var like modna, riktignok) og verdas beste jordbær. Eg angrar verkeleg på at eg ikkje tok bilete, for dei var heilt fantastisk nydelege. Eg angrar óg litt på at eg åt så mange, for magen kranglar litt no...

Håpar du har hatt ein fin kveld, og viss ikkje: hugs at sommaren berre så vidt har begynt!

Dessutan har vi vore og henta veslepusen vår i dag. Søte Chips har allereie funne seg godt til rette, og ho har sove på fanget mitt ei god stund no. Eg trur bilete fortel meir enn ord:

I morgon har eg fri, og i tillegg til å rydde litt her heime, er planen å kjøpe meg eit jenteblad. Eg har nemleg ikkje lest noko anna enn faglitteratur på nær eit halvt år, så no er det verkeleg på tide med litt useriøs tullelesing. 

Det har skjedd litt av kvart sidan sist. Eg har vore russ, Flush har blitt påkøyrd (RIP♥), og vi ventar no på ei ny lita pusejente som heiter Chips. Akkurat no er eg i gong med kjemilesing. På tysdag skal eg opp til munnleg eksamen, og eg håpar verkeleg at det går bra. Det er litt keisamt å bruke 19-årsdagen til å pugge, men eg har jo strengt teke ikkje noko val. 

Når denne veka omsider er slutt, er eg endeleg ferdig med vgs. Då skal eg ikkje lese noko anna enn det eg har lyst til heile det neste året. For ein oppløftande og herleg tanke! Eg har unnlete å leggje faste planar for sommaren og hausten, og har tenkt å ta ting litt som dei kjem. Det einaste eg er heilt sikker på akkurat no er at eg skal til Danmark, på Roskilde-festivalen. Herleg!

Pent brukt russ selges for en billig penge. 1990-modell som er billig i drift og meget lett å ta vare på. 

Liten, lett og praktisk å ta med seg på lange turer. Selges grunnet overgang til nyere modell. 

Jevnlig polert og godt vedlikeholdt ^

Ekstrautstyr:

- tyggis

- god inntekt

- arbeidsvilje

- hjerne

Russen er i upåklagelig stand, og alle funksjoner er intakte. Ta kontakt dersom du har spørsmål. 

Pris på forespørsel. 

Sol Andrea Taklo